ტექნიკური ნოკაუტი - ცარუკიანმა რუფი დაამარცხა
UFC 331-ის ერთ-ერთ გამორჩეულ დაპირისპირებაში არმან ცარუკიანმა მაურისიო რუფისთან გამარჯვება დამაჯერებლად მოიპოვა და პროფესიონალურ კარიერაში 24-ე მოგება ჩაიწერა.
ცარუკიანმა ბრაზილიელ მეტოქეს დიდი დრო არ მისცა. სომეხმა მებრძოლმა ბრძოლა პირველივე რაუნდში ტექნიკური ნოკაუტით დაასრულა. გადამწყვეტ ეპიზოდში ცარუკიანმა რუფის ძლიერი იდაყვით დაარტყა, რის შემდეგაც მსაჯმა დაპირისპირება შეწყვიტა.
ამ გამარჯვებით ცარუკიანმა კიდევ ერთხელ დაადასტურა თავისი ამბიცია — მას სატიტულო ბრძოლა სურს და ჩემპიონობისთვის ბრძოლას ელოდება.
ახლა საინტერესოა, რა გადაწყვეტილებას მიიღებს UFC-ის ხელმძღვანელობა ცარუკიანის მომავალთან დაკავშირებით და იქნება თუ არა მისი შემდეგი ბრძოლა პირდაპირ საჩემპიონო დაპირისპირება.
