იტალიელი მეტოქე დამარცხებულია - ბასილაშვილი ჩენგდუს ტურნირის ძირითად ბადეშია
ნიკოლოზ ბასილაშვილმა ჩენგდუს 250-ქულიანი ტურნირის კვალიფიკაცია დაძლია და ძირითად ბადეში მოხვდა.
ქართველი ჩოგბურთელის მეტოქე იტალიელი ფედერიკო ჩინა იყო. პირველი სეტის შუაში ბასილაშვილმა მეტოქის ჩაწოდებაზე გეიმი აიღო და 4:2 დაწინაურდა, რის შემდეგაც სეტი საბოლოოდ 6:3 მოიგო.
მეორე სეტში ქართველი ჩოგბურთელის უპირატესობა კიდევ უფრო აშკარა გახდა - ბასილაშვილმა პარტია 6:2 მოიგო და ჩენგდუს ძირითადი ბადის საგზური მოიპოვა.
ცნობისთვის, კვალიფიკაციის ნახევარფინალში ბასილაშვილმა ჩინელი ჰანლეი ლუ ასევე 2 სეტში - 6:2, 6:0 დაამარცხა.
ჩენგდუს 250-ქულიანი ტურნირის პირველ წრეში ქართველი ჩოგბურთელი სერბ მიომირ კეჩმანოვიჩს შეხვდება, რომელიც ATP-ის რეიტინგში 60-ე ადგილს იკავებს. ბასილაშვილი-კეჩმანოვიჩის მატჩი ხვალ გაიმართება.
