ნატალი ბასილაშვილის წარმატება | ფინალი რაფა ნადალის აკადემიაში
Aa Aa
4 დეკემბერი 2023  |  10:55

ნატალი ბასილაშვილის წარმატება | ფინალი რაფა ნადალის აკადემიაში

ქართველმა ჩოგბურთელმა, ნატალი ბასილაშვილმა დიდ წარმატებას მიაღწია და TEN-PRO GLOBAL JUNIOR TOUR-ის ერთ-ერთი ეტაპის ფინალში იასპარეზა. ნატალი, 2013 წელს დაბადებულ გოგონებს შორის გამართული ტურნირის გადამწყვეტ შეხვედრაში გავიდა და უკრაინელ ვირა კლიმენოკთან დამარცხდა.

ნატალიმ პირველი შეხვედრა მიხალინა სლივინსკას წინააღმდეგ გამართა და 6:0, 6:1 იმარჯვა. მისი მომდევნო მეტოქე ამელია კულსტოკი გახლდათ, რომელსაც 7:6, 6:0 მოუგო. მეოთხედფინალში ბასილაშვილი დიაინა ვაგელას დაუპირისპირდა და მეტოქეს 6:2, 6:2 სძლია, ხოლო ნახევარფინალში ოლენა კუვშინოვა 6:4, 6:4 დაამარცხა.

ნატალიმ გადამწყვეტი შეხვედრაც კარგად დაიწყო და პირველი სეტი 6:2 მოიგო, თუმცა მეორე და მესამე პარტიები უკეთ კლიმენოკმა ჩაატარა და 6:3, 6:0 იმარჯვა. აღსანიშნავია, რომ ტურნირი, რომლის ფინალშიც ნატალი გავიდა, რაფაელ ნადალის აკადემიაში ტარდება.

გეტყვით იმასაც, რომ ყოველწლიურად, TEN-PRO ორგანიზებას უწევს საერთაშორისო ტურს, რომელშიც მონაწილეობას ნიჭიერი ახალგაზრდა ჩოგბურთელები იღებენ. ტური 14 ტურნირისგან შედგება და მის გათამაშებებს მსოფლიოს წამყვანი საჩოგბურთო აკადემიები მასპინძლობენ.

მსგავსი სიახლეები

ცხელი ამბები

ასევე დაგაინტერესებთ
„დარმიანი კვარაცხელიას კარგად მეურვეობდა“ | ინძაგიმ ნეაპოლში მოგება შეაფასა
„დარმიანი კვარაცხელიას კარგად მეურვეობდა“ | ინძაგიმ ნეაპოლში მოგება შეაფასა