ნეიმარმა პელეს რეკორდი მოხსნა - ბრაზილიამ ბოლივია დაამარცხა
სამხრეთ ამერიკაში 2026 წლის მსოფლიო ჩემპიონატის შესარჩევი ეტაპი დაიწყო.
პირველ ტურში მსოფლიოს ჩემპიონმა არგენტინის ნაკრებმა მესის გოლის წყალობით ეკვადორი (1:0) დაამარცხა. ამჯერად კი სცენაზე ბრაზილია ვიხილეთ, რომელმაც ბოლივიას 5:1 მოუგო.
„სელესაოს“ რიგებში გოლების ავტორები როდრიგო (2), რაფინია და ნეიმარი (2) გახდნენ.
ამ დუბლის შემდეგ, ნეიმარი ბრაზილიის ნაკრებში გოლების რეკორდსმენი გახდა. მან პელეს (77) გადაასწრო და 78 ბურთით ოფიციალურ მატჩებში გატანილი ბურთებით „პენტაკამპეონების“ ყველა დროის ბომბარდირია.
Brazil have a new goalscoring king! ????????????
— FIFA World Cup (@FIFAWorldCup) September 9, 2023
Neymar's 78th goal overtakes Pele as @CBF_Futebol's all-time men's leading scorer. ????#FIFAWorldCup pic.twitter.com/EmztniOFMJ
პელეს ამ რეკორდის დასამყარებლად 91 შეხვედრა დასჭირდა, ნეიმარს კი 125.
აქვე გეტყვით, რომ მარსელო ბიელსას ურუგვაიმ ჩილეს 3:1 მოუგო.
