წინასწარი შეთანხმება შედგა - გერეირო ბაიერნში ითამაშებს
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო ახალი ტრანსფერის შესახებ გვამცნობს.
ვიგებთ, რომ მიუნხენის „ბაიერნი“ სულ მალე რაფაელ გერეიროს გაიფორმებს. პორტუგალიელ მარცხენა მცველს დორტმუნდის „ბორუსიასთან“ კონტრაქტი ამოეწურება და „რეკორდმაისტერში“ თავისუფალი აგენტის სტატუსით გადავა.
წინასწარი შეთანხმება მიღწეულია. საუბარია 3-წლიან კონტრაქტზე. სამედიცინო შემოწმება შემდეგ კვირაში დაიგეგმა.
???? EXCL: Bayern are set to sign Raphaël Guerrero on free transfer, here we go!
— Fabrizio Romano (@FabrizioRomano) June 7, 2023
Verbal agreement reached on three year contract — valid until June 2026.
Personal terms agreed have been agreed.
Medical and signature will take place next week. pic.twitter.com/7P2ngOgrl5
შეგახსენებთ, რომ გერეირო „ბორუსიას“ ღირსებას 2016 წლიდან იცავდა. 2016 წლიდან დღემდე, რაფაელმა გერმანული გუნდის მაისური ყველა ტურნირზე ერთად 224-ჯერ მოირგო, 40 გოლი გაიტანა და 50 საგოლე გადაცემა შეასრულა.
