16 ქულა და მატჩის MVP - შერმადინის ტენერიფემ ჟირონას მოუგო
ესპანეთის ჩემპიონატში გიორგი შერმადინის „ლენოვო ტენერიფემ“ „ჟირონასთან“ სტუმრად 88:72 მოიგო.
ქართველი ცენტრი სასტარტოში იყო და მოედანზე საუკეთესოც გახლდათ. მისი მარგი ქმედების კოეფიციენტი 27 გახლდათ, რის შემდეგაც შერმადინი შეხვედრის MVP გახდა.
მისი მონაგარი 23 წუთში 16 ქულა, 8 მოხსნა და 3 გადაცემა იყო.
ამ გამარჯვების შემდეგ, „ტენერიფეს“ ანგარიშზე 23 მოგება და 9 მარცხია. შერმადინის გუნდი სატურნირო ცხრილში მე-4 ადგილზე იმყოფება.
გუნდი მომდევნო შეხვედრას ჩემპიონთა ლიგის ნახევარფინალში 12 მაისს ისრაელის „ჰაპოელთან“ გამართავს.