ნაპოლი, ხვიჩა კვარაცხელია, ვიქტორ ოსიმენი
Aa
Aa

ხვიჩა და ოსიმენი სათადარიგოთა სკამზე - სპალეტიმ ქართველი დაასვენა

სერია ა-ს 30-ე ტურში „ნაპოლი“ ჰელას „ვერონას“ უმასპინძლებს. იტალიური მედიის ვარაუდი გამართლდა, ლუჩანო სპალეტიმ ხვიჩა კვარაცხელია სასტარტოს მიღმა დატოვა, „მილანთან“ ურთულესი მატჩის წინ დაასვენა, თუმცა შესაძლოა მეორე ტაიმში ჩართოს თამაშში.

კვარაცხელიასთან ერთად სათადარიგოთა სკამზე ვიქტორ ოსიმენია, რომელმაც ტრავმა მოიშუშა და თამაშისთვის მზადაა. ასე რომ, „ნაპოლი“ „როსონერისთან“ საპასუხო მატჩს ევროპაში ერთ-ერთი საუკეთესო შემტევი დუეტით შეხვდება.

„ნაპოლის“ სასტარტო „ვერონასთან“ მატჩში ასეთია: მერეტი, ოლივეირა, ჟეზუსი, კიმი, დი ლორენცო, ელმასი, დემე, ანგისა, ლოზანო, რასპადორი, პოლიტანო

მატჩისწინა პრესკონფერენციაზე სპალეტიმ განაცხადა: „შესაძლოა, კვარაცხელიამ სკამიდან დაიწყოს. არის შანსი, ხვალ სათამაშო დრო შევუმციროთ ან ასე არ გავაკეთოთ. ვნახოთ, რა მოხდება“.

შეგახსენებთ, UEFA-ს ჩემპიონთა ლიგის მეოთხედფინალურ სტადიაზე „მილანმა“ შინ „ნაპოლი“ 1:0 დაამარცხა. ამ შეხვედრაში ვიქტორ ოსიმენს არ უთამაშია, თუმცა „დიეგო მარადონაზე“ მისი თამაში გადაწყვეტილია. საპასუხო დაპირისპირება 18 აპრილს გაიმართება.

სერია ა-ს მიმდინარე სეზონში ხვიჩა კვარაცხელიამ 25 მატჩში 12 გოლი შეაგდო. სერია ა-ს მიმდინარე სეზონში ყველაზე მეტი საგოლე პასი ხვიჩა კვარაცხელიამ შეასრულა (10). სერია ა-სა და ჩემპიონთა ლიგის გათვალისწინებით, კვარაცხელიამ 33 მატჩში 14 გოლი შეაგდო და 14 საგოლე პასი ჩაიწერა აქტივში.

მსგავსი სიახლეები

ცხელი ამბები
ასევე დაგაინტერესებთ
მიქაუტაძის სუპერმატჩი - დუბლი ბორდოსთან ბრწყინვალე გოლებით
მიქაუტაძის სუპერმატჩი - დუბლი ბორდოსთან ბრწყინვალე გოლებით