U21 | ბათუმში ევროპის ჩემპიონატის თასი წარადგინეს
21-წლამდე ფეხბურთელთა ევროპის ჩემპიონატის თასი ტურნირის ერთ-ერთ მასპინძელ ქალაქს, ბათუმს ესტუმრა.
გათამაშების მთავარი ჯილდო გულშემატკივრებს საქართველოს ფეხბურთის ფედერაციის ხელმძღვანელებმა წარუდგინეს, რომელსაც საზეიმო კონცერტიც მიეძღვნა.
ბათუმი პირველი მასპინძელი ქალაქია, რომელმაც 2023 წელს 21-წლამდე ფეხბურთელთა ევროპის ჩემპიონატის თასს უმასპინძლებს. ჯილდო ქალაქში რამდენიმე დღის განმავლობაში გაჩერდება, შემდეგ კი ყველა მასპინძელ ქალაქს შემოივლის.
შეგახსენებთ, რომ U21 ევროპის ჩემპიონატი საქართველოსა და რუმინეთში 21 ივნისიდან 8 ივლისის ჩათვლით გაიმართება, ფინალური მატჩი კი სწორედ ბათუმის სტადიონზე ჩატარდება.