ევროპის თასი - ნინო გულბანმა ვერცხლის მედალი მოიპოვა
იტალიის ქალაქ ლიგანოში დასრულებულ ევროპის თასზე ნინო გულბანმა ვერცხლის მედალი მოიპოვა.
18 წლის ძიუდოისტმა 70 კილოგრამ წონით კატეგორიის ფინალში სლოვენიელ კაია შუსტერთან ვაზარით დამარცხდა.
ფინალამდე ქართველმა სპორტსმენმა 4 მეტოქეს იტალიელ სოფია მანკას , ნიდერლანდელ ანამარინე პლოგერს , ავსტრიელ ელენა დენგსა და სლოვენიელ ნიკა კორენს აჯობა.
ამავე ტურნირზე საქართველოს სახელით ნინო ლოლაძემ და ეთერ ასკილაშვილმა იასპარეზეს.
