„მივცეთ ხალხს ის, რაც უნდათ“ - ვოლკანოვსკიმ მახაჩევი გამოიწვია
UFC-ის მსუბუქ წონით კატეგორიაში შესაძლოა ალექსანდერ ვოლკანოვსკისა და ისლამ მახაჩევის საჩემპიონო ორთაბრძოლის რემატჩი ვიხილოთ.
ამასთან დაკავშირებით ინტერესი უკვე გამოთქვა ავსტრალიელმა მებრძოლმა, ახლა კი მახაჩევის პასუხი დარჩა საჭირო.
გუშინ ისლამმა საკუთარ Twitter-გვერდზე გამოაქვეყნა პოსტი, წარწერით - „ვინ არის შემდეგი?“, რასაც უმალ დაერთო ალექსანდერ ვოლკანოვსკის კომენტარიც - „მოდი, ეს კიდევ ერთხელ გავაკეთოთ და ხალხს ის მივცეთ, რაც მათ სურთ!“
Let’s run it back and give the people what they want! @MAKHACHEVMMA https://t.co/clkz93ldaM
— Alex Volkanovski (@alexvolkanovski) February 22, 2023
ჯერჯერობით უცნობია, რას გადაწყვეტს ისლამ მახაჩევი, თუმცა MMA-ს სამყაროში აქტიურად იწერება, რომ ორივე მებრძოლი მატჩ-რევანშის გამართვაზე თანახმაა და შესაძლოა ამ ყელაფერს მალე ოფიციალური სახეც მიეცეს.
შეგახსენებთ, რომ ვოლკანოვსკი და მახაჩევი ეთმანეთს 12 თებერვალს, ავსტრალიაში დაუპირისპირდნენ და მაშინ ისლამმა მსაჯების ერთსულოვანი გადაწყვეტილებით მოიგო.