ზამთრის ცურვის მსოფლიო ჩემპიონატი: ჰენრი კუპრაშვილის 6 ოქრო და 1 ვერცხლი
სლოვენიაში ზამთრის ცურვის მე-13 მსოფლიო ჩემპიონატი გაიმართა, სადაც პირველობა არავის დაუთმო 76 წლის ლეგენდარულმა ქართველმა ჰენრი კუპრაშვილმა.
კუპრაშვილმა მსოფლიოს გაოცება ისევ შეძლო. მისი მონაგარი 6 ოქრო და 1 ვერცხლის მედალი იყო.
ტურნირზე მონაწილეობას 31 ქვეყნიდან სხვადასხვა ასაკის წარმომადგენლები იღებდნენ. წყლის ტემპერატურა 5 გრადუსი იყო.
აქვე გეტყვით, რომ ლეგენდარულმა ჰენრი კუპრაშვილმა 2002 წელს ხელფეხშეკრულმა დარდანელის სრუტე 3 საათსა და 15 წუთში გადაცურა (12 კილომეტრი).
