შეხვედრის MVP გახდა - თორნიკე შენგელიას მაგარი მატჩი ევროლიგაზე
„ვირტუს ბოლონიამ“ ევროლიგის ეგიდით, 2-მატჩიანი მოუგებელი სერია შეწყვიტა და საკუთარ კედლებში „პანათინაიკოსს“ სძლია. იტალიელებმა 74:64 იმარჯვეს და სერჯო სკარიოლის გუნდის წარმატებაში უდიდესი წვლილი თორნიკე შენგელიამ შეიტანა.
ქართველმა კალათბურთელმა შეხვედრა ძირითად შემადგენლობაში დაიწყო და პარკეტზე 28:24 წუთი გაატარა. შენგელია ორივე გუნდის რიგებში საუკეთესო იყო და აქტივში 16 ქულა, 2 მოხსნა (1 მეტოქის ფარზე), 7 შედეგიანი გადაცემა, 3 ჩაჭრა და 1 დაფარება ჩაიწერა. თოკომ 7-დან 4 ორქულიანი ჩააგდო, 2-დან 1 სამიანი გამოიყენა და 6-დან 5 საჯარიმო მიითვალა. შენგელიას სარგებლიანობის კოეფიციენტი 24 გახლდათ, რაც ორივე გუნდში საუკეთესო მაჩვენებელი იყო და იგი მატჩის MVP გახდა.
The chase down!!@TokoShengelia23 wasn't going to give up on that! #7DAYSMagicMoment pic.twitter.com/7gepleTOsA
— Turkish Airlines EuroLeague (@EuroLeague) January 19, 2023
შეგახსენებთ, რომ „ვირტუს ბოლონიას“ 9 მოგება და 11 წაგება აქვს და ევროლიგაში მე-13 პოზიციას იკავებს. იტალიურ გრანდს მომდევნო შეხვედრა იტალიის ჩემპიონატში ელის და მისი მეტოქე „ბრინდისი“ იქნება. მატჩი 22 იანვარს გაიმართება.
