Australian Oper: ბასილაშვილის პირველი მეტოქე ცნობილია
რამდენიმე დღეში, ავსტრალიაში სტარტს აიღებს 2023 წლის პირველი სლემის ტურნირი - Australian Open. გათამაშებაში საქართველოს საუკეთესო ჩოგბურთელი, ნიკოლოზ ბასილაშვილიც მიიღებს მონაწილეობას, რომელსაც უკვე ერგო პირველი მეტოქე.
კენჭისყრის შედეგად, ბასილაშვილი საწყის შეხვედრაში ამერიკელ ტეილორ ფრიტცს დაუპირისპირდება, რომელიც ტურნირზე მე-8 ნომრად არის განთესილი. ATP-ის მსოფლიო რეიტინგში 25 წლის ამერიკელი მე-9 ადგილზე იმყოფება. მატჩი 16 იანვარს არის დაგეგმილი.
ქართულ-ამერიკული დუელი აქამდე 4-ჯერ არის გამართული და ჩოგბურთელებმა ორ-ორჯერ მოახერხეს გამარჯვება.
ცნობისთვის, ავსტრალიის ღია პირველობაზე ბასილაშვილმა ბოლოს 2022 წელს იასპარეზა და გათამაშებას პირველივე წრეში გამოეთიშა.
