მოულოდნელობა - ბეიჯინგში რიბაკინა რეიტინგის 118-ე ნომერთან დამარცხდა

ბეიჯინგის პირველ წრეში ამერიკის ღია პირველობის მოქმედი ჩემპიონი, საბალენკასთან ფინალის შემდეგ, პირველივე წრეში დამარცხდა.

რეიტინგის პირველი ნომრის მოწინააღმდეგე, 118-ე ნომერი ალინა შარაევა იყო, რომელმაც სამ სეტში 3:6 6:4 6:3 გაიმარჯვა.

პირველი სეტი თანაბარ ბრძოლაში წარიმართა. პირველ და მეორე გეიმებში ჩოგბურთელებმა ბრეიკები გაცვალეს. იგივე განმეორდა მე-6 და მე-7 გეიმში, თუმცა მერვე გეიმში რიბაკინამ მეტოქის ჩაწოდება მოიგო და შემდეგ საკუთარ ჩაწოდებაზე სეტი დახურა.

ელენამ მეორე სეტი აქტიურად დაიწყო და ბრეიკით დაწინაურდა, თუმცა უმალ უკუბრეიკი მიიღო. მე-10 გეიმში რიბაკინამ საკუთარი ჩაწოდება დათმო და სეტიც წააგო.

დისაიდერში შარაევა გაცილებით უკეთესი იყო მე-6 გეიმში მოპოვებული ერთადერთი ბრეიკის წყალობით მატჩი მოიგო.

ამ წაგების შედეგად, ელენა რიბაკინას 205 სარეიტინგო ქულა დააკლდა, თუმცა, რა თქმა უნდა, მაინც მსოფლიო რეიტინგის პირველი ნომერია.