მე-11 საგოლე მოქმედება სეზონში | ეგოიანის გოლი და გამარჯვება ფეიენორდთან
ნიდერლანდების საფეხბურთო ჩემპიონატის მე-13 ტურში როტერდამული დერბი გაიმართა — ჯოვანი ვან ბრონკჰორსტის გაწვრთნილი „ფეიენორდი“ შინ „ექსელსიორთან“ 2:3 დამარცხდა.
მე-2 წუთზე ხივაირო რედმა „ფეიენორდი“ დააწინაურა, მე-6 წუთზე კი მარიო დომინგესმა წონასწორობა აღადგინა. მე-40 წუთზე ირაკლი ეგოიანმა პენალტი ზუსტად შეასრულა და სტუმრები წინ გაიყვანა. მეორე ტაიმში კასპერ ვიდელმა სტუმართა უპირატესობა ორ ბურთამდე გაზარდა — 1:3. 67-ე წუთზე იან პლუგის ავტოგოლით ანგარიში 2:3 გახდა.
ეგოიანის მე-6 გოლი მიმდინარე სეზონში
ამ გამარჯვებით „ექსელსიორმა“ 8-მატჩიანი მოუგებელი სერია შეწყვიტა — ამ მატჩამდე გუნდმა ზედიზედ ხუთი შეხვედრა დათმო. 18-გუნდიან ჩემპიონატში 14 ქულით მე-12 ადგილზეა, ფლეი-აუტის ზონას 4 ქულით უსწრებს, ხოლო კონფერენს ლიგის ზონას 6 ქულით ჩამორჩება.
ცნობისთვის, ეგოიანმა ერედივიზიეს მიმდინარე სეზონში ყველა ტურში ითამაშა: 13-ვე მატჩი სასტარტო 11-ში დაიწყო, 13-დან 11-ში 90 წუთი გაატარა და საერთო ჯამში მოედანზე 1 128 წუთი დაჰყო.
მის ანგარიშზე 4 გოლი („კამბურთან“, „ვილემ II“-თან, „გრონინგენთან“ და „ფეიენორდთან“) და 5 საგოლე პასია („კამბურთან“, „პსვ“-სთან, „ვილემ II“-თან, „ნეიმეგენთან“ და „აიაქსთან“). გარდა ამისა, ნიდერლანდების თასზე „მაასტრიხტთან“ დუბლი შეასრულა და საერთო ჯამში ამ სეზონში მის აქტივში 11 საგოლე მოქმედებაა.
კომენტარები
იყავით პირველი, ვინც დაწერს კომენტარს