„გულხელდაკრეფილი ვერ ვიდგებოდი“ - ილიას მეგობრის კომენტარი

UFC-ის ქართველი მებრძოლის, ილია თოფურიას მეგობარი, ომარ მონტესი სოციალურ ქსელებში გავრცელებულ ვიდეოს გამოეხმაურა, რომელზეც ერთ-ერთ ბარში მომხდარი ფიზიკური დაპირისპირებაა ასახული. ცნობილი ესპანელი მომღერალი ჩხუბის მონაწილე იყო და მასზე „ტვიტერის“ საკუთარ გვერდზე დაწერა.

„ბარის კამერის მიერ გადაღებული ვიდეოს გავრცელების შემდეგ, რომელთან დაკავშირებითაც ზომებს აუცილებლად მივიღებთ მათ წინააღმდეგ, ვინც ეს ვიდეო გაავრცელა, მინდა, გითხრათ, რომ ასეთი ნამდვილად არ ვარ. ჩემი განზრახვა ჩხუბი არ ყოფილა, მაგრამ როცა ჩემს მეგობარზე იწევენ, იქვე ვერ ვიდგები და ამ ყველაფერს გულხელდაკრეფილი ვერ ვუყურებ. ბოდიშს ვიხდი“.

Tras haberse filtrado el vídeo de una pelea de una cámara de un bar que por cierto tomaremos medidas con los k lo hayan filtrado dichas imágenes. Realmente no soy así no era mi intención pero si vienen a por mi amigo no puedo quedarme mirando con los brazos cruzados. Me disculpo

— Omar Montes (@omarmontesSr) January 5, 2023

შეგახსენებთ, რომ გავრცელებულ კადრებში კარგად ჩანს, რომ ქართველი მებრძოლი ვიდეოთამაშს თამაშობს, რა დროსაც მასთან უცნობი პირი მიდის. მამაკაცი თოფურიას რაღაცას ეუბნება და რამდენჯერმე ხელიც ჰკრა, რასაც ქართველი მებრძოლის გაღიზიანება და შემდეგ უკვე ფიზიკური ანგარიშსწორება მოყვა. კონკრეტულად, რა გახდა დაპირისპირების მიზეზი, ეს ჯერჯერობით უცნობია.