მარკის რიდის 30 ქულა - ტრაბზონსპორმა პეტკიმთან წააგო
თურქეთის საკალათბურთო სუპერლიგის მორიგ ტურში „ტრაბზონსპორის“ გამთამაშებელმა მარკის რიდმა მორიგი შედეგიანი მატჩი ჩაატარა.
„ტრაბზონსპორი“ საკუთარ კედლებში „პეტკიმ სპორთან“ 84:90 დამარცხდა, საქართველოს ნაკრების მცველმა კი 34 წუთში 30 ქულას, 3 მოხსნას, 5 შედეგიან გადაცემასა და 1 ჩაჭრას მოუყარა თავი.
რიდმა 14-დან 9 ორქულიანი, 5-დან 1 სამქულიანი და 9-დან 9 საჯარიმო ჩააგდო.
26 მატჩის შემდეგ „ტრაბზონსპორი“ 17 მოგებითა და 9 წაგებით სატურნირო ცხრილის მე-4 ადგილზეა. მომდევნო მატჩს რიდის გუნდი 19 აპრილს, „ფენერბაჰჩესთან“ გამართავს.
