რა განსხვავებაა ბარსასა და პსჟ-ს შორის | ფერანმა ფეხბურთელთა ხარისხი გამოარჩია
„პარი სენ-ჟერმენის“ ფეხბურთელმა, ფერან ტორესმა ახალ და ყოფილ კლუბებზე ისაუბრა. ფრანგმა ჟურნალისტებმა ფერანს სთხოვეს, „ბარსელონასა“ და პსჟ-ს შორის არსებულ განსხვავებებზე ელაპარაკა და ტორესმა საინტერესო განცხადება გააკეთა.
„მთავარი განსხვავება „პარი სენ-ჟერმენსა“ და „ბარსელონას“ შორის? პირველ რიგში, ესაა დინამიკურობა, სისწრაფე და ფეხბურთელთა ხარისხი. ლუის ენრიკე თავისუფლებას გვაძლევს და ის, თუ როგორ ხსნის რაღაც დეტალს, საბოლოო ჯამში, განსხვავებას ქმნის.
„ბარსელონა“ და „პარი სენ-ჟერმენი“ სხვადასხვა გუნდები არიან, თუმცა ასე თუ ისე, ერთნაირი სტილი აქვთ. ადაპტაცია მესაჭიროება, თუმცა როდესაც პსჟ-ის სავარჯიშო სესიები ვნახე, მივხვდი, ჩემპიონთა ლიგა ზედიზედ ორჯერ რატომ მოიგეს. იმედია, კლუბს დავეხმარები და ჩემს პირველ და მათ მესამე ტიტულს მოვაგებინებ“.
ცნობისთვის, ფერანს საფრანგეთის ლიგა 1-ში გამართულ ორ შეხვედრაში ორი გოლი აქვს გატანილი. „რენის“ წინააღმდეგ ის ცვლილებაზე შევიდა და დუბლი გაიფორმა.
