სიმეონე: ალვარესს შესაძლებლობა აქვს ყველაფერი გამოასწოროს
დიეგო სიმეონე ელის, რომ ხულიან ალვარესი ლა ლიგის ხვალინდელ მატჩში „ბილბაოს“ წინააღმდეგ ითამაშებს.
ხულიანი კლუბში რჩება:
„ის ძალიან კარგად ვარჯიშობს. მას ნაკრებში გამოიძახებენ და ჩვენ მისგან და მისი ყველა თანაგუნდელისგან საუკეთესო შედეგებს ველოდებით.“
აისახება თუ არა ხულიანთან დაკავშირებული სიტუაცია მის თამაშზე:
„მე ყოველთვის წინ ვიყურები. წინ შესანიშნავი, გამოწვევებით სავსე სეზონი გველის. ჩვენ ყოველ მატჩზე გავალთ მოედანზე და მაქსიმუმს გავაკეთებთ.“
როგორ შეიძლება ხულიანთან დაკავშირებული სიტუაციის შეცვლა:
„ჩემთვის ცხოვრება სავსეა შესაძლებლობებით. და ხულიანსაც ახლა აქვს შესაძლებლობა, ყველაფერი გამოასწოროს. ჩვენ ხშირად ზედმეტად ბევრ დროს ვხარჯავთ შეფასებებზე, არადა ნაკლებად უნდა განვსაჯოთ და მეტი ვისწავლოთ.
იმედი მაქვს, რომ ეს მისთვის სასარგებლო გამოცდილება იყო. და რომ ის ბედნიერია, და როგორც გუშინ ვუთხარი Futre-სთვის ჩაწერილ შესანიშნავ ვიდეოში, ეს მაშინ ხდება, როცა მას გოლები გააქვს“,
- აღნიშნა სიმეონემ.
შეგახსენებთ, რომ „ატლეტიკომ“ ალვარესი ზაფხულის სატრანსფერო ფანჯრისას „ბარსელონაში“ არ გაუშვა. მადრიდელები მზად იყვნენ ამ ზაფხულს არგენტინელი ლა ლიგის მიღმა ნებისმიერ კლუბში გაეყიდათ, თუმცა ხულიანს მხოლოდ „ბლაუგრანაში“ თამაში სურდა და ყველა წინადადება დაბლოკა.
