პრაღის ღია პირველობა - კალაშნიკოვა წყვილთა თანრიგის მეოთხედფინალშია
საჩოგბურთო სამყაროში WTA-ს ეგიდით პრაღის ღია პირველობა მიმდინარეობს, სადაც წყვილთა თანრიგში ოქსანა კალაშნიკოვა იღებს მონაწილეობას. ქართველი ჩოგბურთელის პარტნიორი ამჯერად რუსი ვიტალია დიატჩენკო გახლავთ.
ქართულ-რუსულმა დუეტმა საკმაოდ ძლიერ მეტოქესთან იასპარეზა და ორ სეტში 6:3 6:4 გაიმარჯვა. კალაშნიკოვა/დიატჩენკო ტურნირზე მეორედ ნომრად განთესილ იუნ ჰანს და ალექსანდრა პანოვას დაუპირისპირდნენ.
ვიტალიამ და ოქსანამ პირველ სეტში ორი ბრეიკის შეასრულეს ერთის წინააღმდეგ და ყველაფერი ლოგიკურად დაასრულეს. მეორე სეტი განსხვავებული იყო.
ქართულ-რუსული დუეტი 0:4-ს აგებდა, თუმცა ამის შემდეგ ყველაფერი შეიცვალა. კალაშნიკოვამ და დიატჩენკომ ზედიზედ 6 გეიმი მოიგეს და მატჩიც მათ სასარგებლოდ დასრულდა. აღნიშნული წყვილი ტურნირის მეოთხედფინალში გავიდა, სადაც ფომინა/იაშინას დუეტს დაუპირისპირდება.
შეგახსენებთ, რომ ერთეულთა თანრიგში ეკო გორგოძემ მიიღო მონაწილეობა, თუმცა მისი მეტოქე მსოფლიო რეიტინგის მეორე ნომერი კონტავეიტი იყო და უშანსოდ 0:6 1:6 დამარცხდა და გათამაშებას პირველივე წრეში გამოეთიშა.