დილიან უაითი, ტაისონ ფიური
Aa
Aa

აწონვის ცერემონია - ტაისონ ფიური ნამდვილ ომს გვპირდება

ბრიტანელი მოკრივე, ტაისონ ფიური მომდევნო ბრძოლას დილიან უათის წინააღმდეგ გამართავს და მძიმეწონოსანი მებრძოლების დაპირისპირებას ამ უქმეებზე ვიხილავთ. დღეს, ლონდონში აწონვების ცერემონია გაიმართა და „ბოშათა მეფე“ „სხეულთა მიმტაცებელზე" 5 კილოგრამით მეტი აღმოჩნდა.

ფიურის წონა 120.1 კგ იყო და „უემბლიზე“ მყოფი ქომაგები მას ოვაციებით შეეგებნენ. უაითს რაც შეეხება, მან 114.9 კილოგრამი დააფიქსირა და მაყურებლები მას სტვენით შეხვდნენ. აღსანიშნავია, რომ აწონვის ცერემონიის შემდეგ, მოკრივეებმა ერთმანეთის მიმართ პატივისცემა გამოხატეს და კეპები გაცვალეს.

„ძალიან ბედნიერი ვარი, უემბლის სტადიონზე რომ დავბრუნდი და ეს თქვენი დამსახურებაა. დიდი პატივისცემა დილიან უაითსა და მის გუნდს. ისინი პროფესიონალები არიან და ჩვენ ნამდვილ ბრძოლას გაჩუქებთ. ეჭვი არ შეგეპაროთ, რომ ნამდვილ ბრძოლასა და ნამდვილ ომს გაჩუქებთ“, - მიმართა ფიურიმ სტადიონზე შეკრებილ გულშემატკივრებს.

შეგახსენებთ, რომ ფიური WBC-ის საჩემპიონო ქამარს დაიცავს და უაითთან დაპირისპირებას გამოკვეთილი ფავორიტის სტატუსით ხვდება.  

მსგავსი სიახლეები

ცხელი ამბები
ასევე დაგაინტერესებთ
ომის მხარდაჭერის გამო დასაჯეს - რუსმა სპორტსმენმა 9-თვიანი დისკვალიფიკაცია მიიღო
ომის მხარდაჭერის გამო დასაჯეს - რუსმა სპორტსმენმა 9-თვიანი დისკვალიფიკაცია მიიღო