საქართველოს ჩემპიონატში ტიციან ტაბიძის შვილიშვილმა, 79 წლის მოფარიკავემ იასპარეზა
ოლიმპიური ჩემპიონის, ნუგზარ ასათიანის სახელობის ფარიკაობის დარბაზში საქართველოს ჩემპიონატი მიმდინარეობს, სადაც რაპირით ფარიკაობაში 79 წლის ნიკოლოზ-გივი ანდრიაძემ იასპარეზა.
ნიკოლოზ-გივი ანდრიაძე 1963 წლის მსოფლიო ჩემპიონია იუნიორთა შორის, ასევე, არაერთი საერთაშორისო შეჯიბრის ჩემპიონი და პრიზიორი. აქტიური კარიერის დასრულების შემდეგ, წარმატებას მედიცინაში მიაღწია, არის ექიმი-კარდიოლოგი და მედიცინის მეცნიერებათა დოქტორი.
აღსანიშნავია, რომ გივი ანდრიაძე დღესაც აქტიურად ვარჯიშობს და სისტემატურად მონაწილეობს ვეტერანთა ტურნირებში. რამდენიმე წლის წინ , მან ექიმ- მოფარიკავეთა მსოფლიო ჩემპიონატზე გაიმარჯვა.
ნიკოლოზ-გივი ანდრიაძე ქართველი სიმბოლისტი პოეტის და ,,ცისფერყანწელთა" მოძრაობის ერთ-ერთი დამაარსებელის, ტიციან ტაბიძის შვილიშვილია.
