"ექიმებმა მითხრეს, რომ თამაში შემეჩერებინა", - აგუერომ კარიერა დაასრულა

სერხიო აგუერომ დღეს ოფიციალურად დაადასტურა, რომ საფეხბურთო კარიერას ასრულებს. ამის მიზეზი გულის პრობლემებია. არგენტინელმა სიტუაცია პრესასთან განმარტა:

„ექიმებმა მითხრეს, რომ თამაში შემეჩერებინა. ეს გადაწყვეტილება ათი დღის წინ მივიღე. მე ყველაფერი გავაკეთე იმისთვის, რომ გარკვეული იმედები შემენარჩუნებინა, მაგრამ ასეთი ბევრი არ იყო.

ძალიან ამაყი და ძალიან კმაყოფილი ვარ ჩემი კარიერით. ხუთი წლიდან ვოცნებობდი ფეხბურთის თამაშზე, როგორც კი ბურთს შევეხე. ყოველთვის მინდოდა არგენტინის უმაღლეს დივიზიონში თამაში, არც მიფიქრია, რომ თამაში ევროპაშიც შემეძლო.

მადლობა ინდეპენდიენტეს, სადაც ვვარჯიშობდი. მადლობა ატლეტიკოს, რომ ფსონი დადო ჩემზე 18 წლის ასაკში. მანჩესტერ სიტის წყალობით, მათ იციან, რას ვგრძნობ მათ მიმართ. კლუბისთვის მაქსიმუმი გავიღე და ძალიან კარგად მომექცნენ.

მადლობა ბარსელონას და ჟოან ლაპორტას. ვიცოდი, რომ მოვედი მსოფლიოს ერთ-ერთ საუკეთესო კლუბში და აქ ძალიან კარგად მექცეოდნენ.

და მადლობა არგენტინის ეროვნულ გუნდს, რომელიც ყველაზე მეტად მიყვარს“,

- თქვა 33 წლის ფეხბურთელმა სპეციალურ პრესკონფერენციაზე.

სერხიომ 30 ოქტომბერს ალავესთან მატჩის დასრულება (1:1) ვერ შეძლო და მას შემდეგ მკურნალობას გადის. თავდაპირველად გავრცელდა ინფორმაცია, რომ ფეხბურთელი გამოჯანმრთელდებოდა 3 თვის განმავლობაში, მაგრამ მოგვიანებით გაირკვა, რომ პრობლემა იმაზე სერიოზულია, ვიდრე მოსალოდნელი იყო.

„ბარსას" შემადგენლობაში „კუნმა“ 5 მატჩი ჩაატარა და 1 გოლი გაიტანა.