9 საფეხურით წინ - ბასილაშვილი მსოფლიო რეიტინგში დაწინაურდა

მიუხედავად მარცხისა ნიკოლოზ ბასილაშვილმა ქართული ჩოგბურთის ისტორია დაწერა. ის გახდა პირველი ქართველი ,რომელმაც მონაწილეობა მასტერსის ფინალში მიიღო.

ნიკოლოზ ბასილაშვილი ფინალურ შეხვედრაში ბრიტანელ კამერონ ნორისთან სამ სეტში 6:3 4:6 1:6 დამარცხდა.

წარმატებული ტურნირის შემდეგ ნიკოლოზი განახლებულ რეიტინგში  9 საფეხურით დაწინაურდა და 2,066 ქულით მსოფლიოს 27-ე ჩოგანი გახდა. ასევე მან, 600 სარეიტინგო ქულა და 640 ათასი დოლარი გამოიმუშავა

აღსანიშნავია, რომ ბასილაშვილის პირადი რეკორდს მე-16 პოზიცია წარმოადგენს, რომელსაც 2019 წლის მაისში მიაღწია.

შეგახსენებთ,რომ ინდიან უელსის მეოთხედფინალურ ეტაპზე, ბასილაშვილი მსოფლიო რეიტინგის მე-3 ნომერს, სტეფანოს ციციპასს დაუპირისპირდა და 3 სეტში გაიმარჯვა (6-4, 2-6, 6-4).ნიკოლოზმა ტოპ 10-ის ჩოგბურთელი კარიერაში მეექვსედ დაამარცხა.

გამოიწერეთ ჩვენი Youtube არხი