ახალი გამოწვევა - ლაშა ბექაურს ქართულ ფილმში გადაიღებენ

ოლიმპიურ ჩემპიონ ძიუდოისტს, ლაშა ბექაურს ქართულ ფილმში გადაიღებენ.

გავრცელებული ინფორმაცია ძიუდოს ფედერაციის პრეზიდენტმა, გიორგი ათაბეგაშვილმა რუსთავი 2-ის ეთერში, გადაცემა „სპორტის საათში“ დაადასტურა.

„ასწრებს ყველაფერს.ძალიან ნიჭიერი ბიჭია. მე როგორც ვიცი ქართული ფილმია, 9 ძმასთან დაკავშირებით. მაგრამ არ მინდა შემეშალოს. ერთ-ერთი ძმის როლს შეასრულებს“– აღნიშნა ათაბეგაშვილმა

შეგახსენებთ, რომ ქართველი მკლავჭიდელი ლევან საგინაშვილი ფილმში უკვე გადაიღეს, სადაც ქართველმა ჰალკმა არაბი მეომრის როლი შეასრულა. ცოტახნის წინ კი კინოს „სამოთხის ქალის“ თრეილერი გავრცელდა.