Aa Aa
7 ოქტომბერი 2021  |  20:12

სკანდალი NBA-ში - 18 ექს-კალათბურთელი თაღლითობის ბრალდებით დააკავეს

ნაციონალურ საკალათბურთო ასოციაციაში ახალი სკანდალი აგორდა და NBA-ის 18 ექს-კალათბურთელი თაღლითობის ბრალდებით დააკავეს. NBC-ის ინფორმაციით, მოთამაშეებმა თაღლითური სქემის დახმარებით, NBA-ის ჯანმრთელობის დაზღვევისა და სოციალური უზრუნველყოფის პროგრამიდან დაახლოებით 4 მილიონი დოლარი მიიღეს.

სამართალდამცველების მიხედვით, კალათბურთელებმა ლიგას სამედიცინო და სტომატოლოგიური მომსახურეობის მიღების სანაცვლოდ გაწეული ხარჯების ამსახველი ყალბი საბუთები წარუდგინეს, რომლებიც რეალურად, მათ არასდროს მიუღიათ. NBC-ის ცნობით, თაღლითური სქემის ავტორი ტერენს უილიამსი გახლავთ, რომელიც 2009 წელს, მე-11 ნომრად აირჩიეს.

დაკავებულთა შორის რამდენიმე ცნობილი კალათბურთელის სახელიც ფიგურირებს. მაგალითად, ტონი ალენი გარკვეული დროის განმავლობაში, ლიგის ერთ-ერთ საუკეთესო დამცველად ითვლებოდა, გლენ დევისი კი „ბოსტონ სელტიქსის“ სასტარტო ხუთეულის მოთამაშე გახლდათ.

ალენისა და დევისის გარდა, სამართალდამცველებმა ალან ანდერსონი, შენონ ბრაუნი, უილიამ ბაინამი, კრისტოფერ დაგლას-რობერტსი, მელვინ ილაი, ჯამარიო მუნი, დარიუს მაილსი, მილტონ პალასიო, რუბენ პატერსონი, ედი რობინსონი, გრეგორი სმიტი, სებასტიან ტელფეირი, ჩარლზ უოტსონ ჯუნიორი, ენტოინ რაითი, ენტონი როთენი დააკავეს.

მსგავსი სიახლეები

ცხელი ამბები

WELCOME BONUS

WELCOME BONUS

ეს გვერდი უკეთ ჩანს მობილურ აპლიკაციაში
ასევე დაგაინტერესებთ
articleimage