ვარდიმ "ლესტერს" შანსი შეუნარჩუნა
"ჩემპიონთა ლიგის" პირველ 1/8 ფინალში, "რამონ სანჩეს პისხუანზე", "სევილიამ" "ლესტერს" უმასპინძლა და 2:1 მოუგო.
მე-14 წუთზე მასპინძლებს ანგარიშის გახსნის შანსი მიეცათ, თუმცა კორეამ პენალტის გატანა ვერ შეძლო.
25-ე წუთზე კი პაბლო საბარიამ "სევილია" წინ მაინც გაიყვანა, ხოლო კორეამ 62-ე წუთზე შეაგდო და თავისი შეცდომაც გარკვეულწილად გამოისყიდა.
"ლესტერმა" ერთი ბურთის გაქვითვა 73-ე წუთზე ჯეიმი ვარდის გოლით შეძლო, რითაც საპასუხო შეხვედრაში საქმე ერთიორად გაიმარტივა.
საპასუხო მატჩი, 14 მარტს, "კინგ პოუერ სთედიუმზე" გაიმართება.
