მონტე-კარლო: ნადალმა დიმიტროვი გაანადგურა!
მონტე-კარლოს მერვედფინალურ ეტაპზე რაფაელ ნადალი გრიგორ დიმიტროვს შეხვდა და თავისუფლად შეიძლება ითქვას, რომ გაანადგურა. ესპანელმა მატადორმა ბულგარელი მეტოქე 2 სეტში უმარტივესად 6:1 6:1 დაამარცხა და მეოთხედფინალში გავიდა. შეხვედრა 57 წუთი გრძელდებოდა.
Racing into the quarter-finals like ????????
— ATP Tour (@atptour) April 15, 2021
???????? @RafaelNadal reaches the last eight in Monte-Carlo for the 16th time with a dominant 6-1, 6-1 win over Grigor Dimitrov.#RolexMCMasters pic.twitter.com/cfNFf9Fop7
პირველი წუთიდან, ბოლო წუთამდე ნადალი კორტზე დომინირებდა. დიმიტროვის თამაში ვერანაირ კრიტიკას ვერ უძლებდა და მეტიც, ისეთი შთაბეჭდილება იქმნებოდა, რომ თითქოს გრიგორი ძალით თამაშობდა. ბულგარელმა 32 უნებლიე შეცდომა დაუშვა.
რაფაელმა დიმიტროვამდე დელბონისი ორ სეტში 6:1 6:2 დაამარცხა. გეტყვით, რომ ნადალი და დიმიტროვი დღეს მეთხთმეტედ დაუპირისპირდნენ ერთმანეთს და ესპანელ ჩოგბურთელს კოლოსალური უპირატესობა აქვს. ბულგარელმა სპორტსმენმა ნადალის დამარცხება მხოლოდ ერთხელ შეძლო.
შეგახსენებთ, რომ რაფაელი მეოთხედფინალში რუბლევსა და ბაუტისტა აგუტს შორის გამარჯვებულს შეხვდება.