კვერნაძის გოლი - ფროზინონემ და ჯენოამ ქულები გაიყვეს

სერია ა-ს მორიგ ტურში ფროზინონე ჯენოას ესტუმრა. მატჩი ფრედ 1:1 დასრულდა და გუნდებმა ქულები გაიყვეს.

სტუმართა მხრიდან ყველაზე აქტიური გიორგი კვერნაძე იყო, რომელმაც გოლი გაიტანა. ქართველმა თავდამსხმელმა ანგარიში მე-14 წუთზე გახსნა. პირველი ნახევარი 0:1 დასრულდა.

50-ე წუთზე ჯენოამ წონასწორობა აღადგინა. 65-ე წუთზე კვერნაძე დუბლთან იყო ახლოს, თუმცა მისი ყუმბარისებული დარტყმა ჯენოას მეკარემ მოიგერია.

მატჩი საკმაოდ სწრაფ ტემპში მიმდინარეობდა და მომენტებს ორივე გუნდი ქმნიდა. 85-ე წუთზე, ფროზინონეს კონტრ-შეტევას სახიფათო მომენტი მოყვა. გიორგიმ შესანიშნავი პასი გააკეთა, თუმცა მისმა თანაგუნდელმა ცუდად დაარტყა.

საბოლოო ჯამში, მატჩში მეტი გოლი აღარ გასულა. ქართველი თავდამსხმელი მთავარმა მწვრთნელმა 87-ე წუთზე შეცვალა.

შეგახსენებთ, რომ მიმდინარე სეზონში კვერნაძემ მეორე გოლი გაიტანა. პირველად თავი მან გასულ ტურში ფიორენტინას წინააღმდეგ გამოიჩინა.