"დევისის თასი" - ჩოგბურთელები დაწყვილდნენ
ალექსანდრე მეტრეველის სახელობის საჩოგბურთო კომპლექსი "მზიური" 6-7 მარტს „დევისის თასის“ გათამაშებას უმასპინძლებს.
საქართველოს ჩოგბურთელთა ნაკრები ევრო/აფრიკული ზონის მეორე ჯგუფის პლეი-ოფის მატჩში ესტონეთის ეროვნულ ნაკრებს დაუპირისპრიდება. დღეს, „მზიურის“ კორტებზე კენჭისყრა გაიმართა.
6 მარტს პირველ შეხვედრას ნიკოლოზ ბასილაშვილი გამართავს, რომელიც ვლადიმირ ივანოვს შეხვდება.
დღის მეორე მატჩში ალექსანდრე მეტრეველი კრისტიან ტამს დაუპირისპირდება.
წყვილთა რიგებში კი გიორგი ცივაძე და ზუკა ტყემალაძე მატიას სიიმარსა და ვლადიმირ ივანოვს შეხვდებიან.
„დევისის თასის“ სათამაშო ბოლო დღეს ბასილაშვილი და მეტრეველი მეტოქეებს გაცვლიან.
აღსანიშნავია, რომ ნაკრების წევრი ალექსანდრე ბაკში ესტონეთთან დაპირისპრიებას გამოპტოვებს. ახალგაზრდა ჩოგბურთელს კოჭის ტრავმა აწუხებს
შეხვედრები დილის 10 საათიდან დაიწყება და გულშემატკივრებისთვის დასწრება თავისუფალია.