79-ე ტიტული - ჯოკოვიჩის მოგებათა სერია გრძელდება

დუბაიში გამართული მამაკაცთა 500-იანი ტურნირი ნოვაკ ჯოკოვიჩის გამარჯვებით დასრულდა. სერბმა ვარსკვლავმა გათამაშების მიმდინარეობისას მხოლოდ 1 სეტი დათმო, ფინალში კი სტეფანოს ციციპასს დაუპირისპირდა.

„ნოლე“ თამაშის მიმდინარეობას დამაჯერებლად აკონტროლებდა და საბოლოო გამარჯვებას საათსა და 19 წუთში მიაღწია - 6:3; 6:4, რითაც კარიერაში 79-ე ტიტული გაიფორმა.

✅ Jaziri
✅ Kohlschreiber
✅ Khachanov
✅ Monfils
✅ Tsitsipas

Delivering in Dubai! ???? @DjokerNole | #DDFTennis pic.twitter.com/AWuUX1LhVK

— ATP Tour (@atptour) February 29, 2020

ჯოკოვიჩმა, რომელმაც მსოფლიო რეიტინგის პირველი პოზიცია შეინარჩუნა, 2020 წელს დაუმარცხებელი სვლა გააგრძელა და მოგებათა სერია 19 მატჩამდე გაზარდა. ამ კუთხით, მას საუკეთესო სერია 2010-11 წლებში ჰქონდა, როცა ზედიზედ 43 შეხვედრაში იმარჯვა.

„ნოლემ“ დუბაიში გამარჯვებისთის 500 სარეიტინგო ქულა და 565 705 ამერიკული დოლარი მიიღო, ციციპასს კი 300 ქულა და 284 486 დოლარი ერგო.