დევისის თასი - ჩვენი ნაკრები ესტონეთს "მზიურის" კორტებზე უმასპინძლებს
ალექსანდრე მეტრეველის სახელობის საჩოგბურთო კომპლექსი "მზიური" 6-7 მარტს „დევისის თასის“ გათამაშებას უმასპინძლებს.
საქართველოს ჩოგბურთელთა ნაკრები ევრო/აფრიკული ზონის მეორე ჯგუფის პლეი-ოფის მატჩში ესტონეთის ეროვნულ ნაკრებს დაუპირისპრიდება.
ნაკრების კაპიტანმა დავით კვერნაძემ მოთამაშე ჩოგბურთელთა შემადგენლობა დაასახელა. ჩვენი გუნდის ღირსებას ნიკოლოზ ბასილაშვილი, ალექსანდრე მეტრეველი, ალექსანდრე ბაკში, გიორგი ცივაძე და ზუკა ტყემალაძე დაიცავენ.
5 მარტს "მზიურის" კორტებზე კენჭისყრა გაიმართება, ხოლო მატჩები 6-7 მარტს დილის 10 საათიდან დაიწყება. შეხვედრებზე გულშემატკივრების დასწრება თავისუფალია.
