რთული გამარჯვება! - ბასილაშვილი დუბაის ტურნირის 1/8 ფინალში გავიდა
ნიკოლოზ ბასილაშვილმა დუბაის 500-იანი ტურნირი გამარჯვებით დაიწყო. ქართველმა ჩოგბურთელმა გათამაშების პირველ წრეში ლიეტუველი რიკარდას ბერანკისი რთულ 3-სეტიან ბრძოლაში დაამარცხა.
ნიკამ პირველ სეტში მიღებული უპირატესობა ვერ გამოიყენა და პარტიებში ჩამორჩა, რასაც საკმაოდ ძნელად, ტაიბრეიკზე აღებული მეორე სეტი მოჰყვა.
საბოლოოდ, ჩვენმა თანამემამულემ თამაშის სადავეები მე-3 პარტიაში სრულად მოიპოვა, რაც ორბრეიკიანი უპირატესობით მოგებულ სეტში გარდასახა და შეხვედრა 2 საათსა და 39 წუთში - 5:7; 7:6; 6:3-ით დაასრულა.
Good win for Nikoloz Basilashvili! ????????
— ATP Tour (@atptour) February 25, 2020
The World No. 29 has beaten Berankis 5-7 7-6 6-3 & will face the winner of Struff & Agut in the second round. #DDFTennis pic.twitter.com/a4X5EmCGsu
ნიკამ 14 ეისი მოაწოდა და 10 ორმაგი შეცდომა დაუშვა, პირველ მოწოდებაზე 63-დან 48 (76%), ხოლო მეორეზე 55-დან 24 ქულა (44%) მოიგო. მეტოქის მოწოდება 4-ჯერ აიღო, საკუთარი კი 3-ჯერ დათმო.
გათამაშების მეორე რაუნდში ბასილაშვილის მეტოქე გერმანელი იან-ლენარ შტრუფი იქნება, რომელმაც მსოფლიოს მე-12 ჩოგან რობერტო ბაუტისტა-აგუტს მოუგო.
შეგახსენებთ, რომ ნიკოლოზმა დუბაიში გასულ წელს 1/4 ფინალამდე გააღწია, რის გამოც წელს 90 სარეიტინგო ქულა აქვს დასაცავი და საამისოდ მინიმუმ კიდევ ერთი მატჩის მოგება სჭირდება.