წაუგებელი სვლა გრძელდება! - ჯოკოვიჩი დუბაიში 4 წლის შემდეგ დაბრუნდა
ნოვაკ ჯოკოვიჩმა დუბაის 500-იან ტურნირზე 2016 წლის შემდეგ პირველი მატჩი ჩაატარა. მსოფლიოს პირველმა ჩოგანმა გათამაშების საწყის რაუნდში ტუნისელ მალეკ ჯაზირის 6:1; 6:2 აჯობა.
„ნოლე“ 2020 წელს წაუგებელ სვლას აგრძელებს და მიმდინარე სეზონში უკვე ზედიზედ მე-14 შეხვედრა მოიგო.
აღსანიშნავია, რომ ჯოკოვიჩს, ATP-ს რეიტინგის პირველი პოზიციის შესანარჩუნებლად, დუბაიში წარმატებული თამაში სჭირდება. თუკი რაფა ნადალმა პარალელურად მიმდინარე აკაპულკოს 500-იანი ტურნირი მოიგო, მაშინ სერბი სულ მცირე 1/2 ფინალამდე უნდა მივიდეს, რათა კვლავ პირველი ჩოგანი იყოს.
ჯოკოვიჩი ტურნირის შემდეგ წრეში გერმანელ ფილიპ კოლშრაიბერს დაუპირისპირდება, რომელსაც ურთიერთშეხვედრებში 11:2-ს უგებს.