ზედიზედ 16 სეტი! - ციციპასი მარსელში დომინირებს
სტეფანოს ციციპასმა 2020 წლის სეზონში პირველი ტიტული დაისაკუთრა. ახალგაზრდა ბერძენმა მარსელის 250-იანი ტურნირის ფინალში კანადელ ფელიქს ოჟე-ალიასიმს აჯობა.
ციციპასი მთელი შეხვედრის განმავლობაში უკეთესი იყო და თამაში 86 წუთში - 6:3; 6:4-ით დაასრულა. ბერძენმა ჩემპიონმა მარსელში ტიტული დაიცვა და საკუთარი ბრწყინვალე სვლაც გააგრძელა - ამ ტურნირზე უკვე ზედიზედ 16 სეტი აქვს მოგებული.
 
The first time he's defended a title.
— ATP Tour (@atptour) February 23, 2020
5th #ATPTour trophy of his career.
A special moment for @StefTsitsipas! ????
????: @TennisTV | @Open13 pic.twitter.com/JuRI7lYqOW
 
1998 წელს დაბადებული ციციპასი, ტომას ენკვისტის შემდეგ პირველია, რომელმაც მარსელში ტიტული ზედიზედ მოიპოვა. ენკვისტმა ეს ციციპასის დაბადების წელს გააკეთა.
სტეფანოსმა მარსელში წარმატებული თამაშისთვის 250 სარეიტინგო ქულა და 116 030 ევრო მიიღო. იგი კვლავ მსოფლიოს მე-6 ჩოგანია.
The trophy is earned in the hours that no one is watching. Thats what makes it so special. Thank you Marseille! @open13 | #o13provence pic.twitter.com/1d1yxRnEIk
— Stefanos Tsitsipas (@StefTsitsipas) February 23, 2020
ბრაზილიის ქალაქმა რიომ კი 500-იან ტურნირს უმასპინძლა. ფინალურ შეხვედრაში ერთმანეთს ჩილელი კრისტიან გარინი და გათამაშების აღმოჩენა - ჯანლუკა მაგერი დაუპირისპირდნენ. შედარებით გამოცდილმა გარინმა მეტოქეს 7:6; 7:5 მოუგო და კარიერაში მე-4 ტიტული მოიპოვა.
რაც შეეხება დელრეი ბიჩში გამართულ კიდევ ერთ 250-იან ტურნირს, ის ადგილობრივი რეილი ოპელკას გამარჯვებით დასრულდა. გიგანტმა ამერიკელმა საკუთარ მარაგს 250 სარეიტინგო ქულა და 97 585 დოლარი შემატა, კარიერაში კი მე-2 ტიტული მოიგო.