ოფიციალურად: გატუზო "ნაპოლის" მთავარი მწვრთნელია
ჩემპიონთა ლიგაზე „გენკთან“ გამარჯვების (4:0) შემდეგ, „ნაპოლიმ“ კარლო ანჩელოტი დაითხოვა, დღეს კი გუნდის მთავარ მწვრთნელად 41 წლის ჯენარო გატუზო ოფიციალურად დანიშნა.
#WelcomeGattuso ???? #ForzaNapoliSempre pic.twitter.com/dzmNApimTX
— Official SSC Napoli (@sscnapoli) December 11, 2019
„ჩვენ ბევრი მუშაობა და ქულების დაგროვება მოგვიწევს, რომ ეს რთული პერიოდი დავძლიოთ. ჩვენი მიზანი ჩემპიონატში ქულების მოგროვება და ჩემპიონთა ლიგაზე პოზიციის შენარჩუნება იქნება“. - განაცხადა გატუზომ.
„ნაპოლი“ ამ მომენტისთვის სერია ა-ში მე-7 პოზიციაზე იმყოფება და ჩემპიონთა ლიგის ზონას 8 ქულით ჩამორჩება. ნეაპოლელებმა ჩემპიონატში ბოლო შვიდი შეხვედრიდან ვერცერთის მოგება ვერ მოახერხეს.
შეგახსენებთ, რომ გატუზო გასულ სეზონში „მილანს“ წვრთნიდა, თუმცა მისი მუშაობა არადამაკმაყოფილებლად შეფასდა და „როსონერიმ“ ის დაითხოვა.