NBA – „ლეიკერსის“ ზედიზედ მეექვსე და ჰეივარდის ბრწყინვალე დაბრუნება
ჩიკაგო - ლეიკერსი 112 - 118
ლოს-ანჯელეს „ლეიკერსი“ წარმატებულ სვლას განაგრძობს. გამთენიისას ფრენკ ვოგელის გუნდი სტუმრად აღმოსავლეთ კონფერენციის წარმომადგენელ „ჩიკაგო ბულსს“ დაუპირისპირდა და დამაჯერებელი გამარჯვება მოიპოვა.
„ლეიკერსის“ წარმატებაში უდიდესი წვლილი ლებრონ ჯეიმსმა შეიტანა, რომელმაც სამმაგი დუბლი მიჯრით მესამედ გაიფორმა. „მეფემ“ ამჯერად 30 ქულა, 10 მოხსნა და 11 შედეგიანი გადაცემა მიითვალა. ლებრონის გარდა 15 ქულით ენტონი დევისი გამოირჩა. ქუინ კუკმა გუნდს 17 ქულა შესძინა, ხოლო დუაით ჰოვარდი 6 ქულასა და ამდენივე მოხსნას დასჯერდა.
Basketball is a full-contact sport. Ain't that right, @DwightHoward? pic.twitter.com/RqgYTYg2WN
— Los Angeles Lakers (@Lakers) November 6, 2019
„ჩიკაგოს“ მხრიდან 26 ქულით ზაკ ლავინი გამოირჩა, ოტო პორტერ ჯუნიორმა თავი 18 ქულას მოუყარა. ვენდელ კარტერ ჯუნიორმა აქტივში ორმაგი დუბლი ჩაიწერა - 11 ქულა, 11 მოხსნა. კობი უაითმა კი შეხვედრა 18 ქულით დაასრულა.
კლივლენდი - ბოსტონი 113 – 119
გორდონ ჰეივარდისთვის „კლივლენდის“ საშინაო არენა 2017 წელს მიღებულ საშინელ ტრავმასთან ასოცირდება. ტრავმასთან, რომლის გამოც მან მთელი სეზონი გამოტოვა. რამდენიმე საათის წინ ჰეივარდი „კავსის“ სტადიონზე კიდევ ერთხელ დაბრუნდა და თან როგორ! ჰეივარდმა ფენომენალური მატჩი ჩაატარა და 39 ქულასთან ერთად 7 მოხსნა და 8 შედეგიანი გადაცემა გაიფორმა.
Gordon Hayward and the rest of our starters got us out to our hottest first half of the season, and we rode that wave to a 119-113 victory over the Cavs. pic.twitter.com/hxWztCeYH0
— Boston Celtics (@celtics) November 6, 2019
ჰეივარდი ლეგენდარული უილტ ჩემბერლენის რეკორდსაც გაუთანაბრდა და 16-დან 16 ორქულიანი ჩააგდო. გორდონის ბრწყინვალე თამაშის წყალობით კი „ბოსტონმა“ რთული მატჩი მოიგო და აღმოსავლეთ კონფერენციის მეორე ადგილზე აღზევდა.
ჰეივარდის გარდა 25 ქულით კემბა უოკერი გამოირჩა. ჯეისონ ტეიტუმმა აქტივში 18 ქულა ჩაიწერა, ხოლო კარსენ ედვარდსმა გუნდს 13 ქულა შესძინა.
An easy $1k for #SunLifeDunk4Diabetes thanks to @jaytatum0
— Boston Celtics (@celtics) November 6, 2019
Each RT = another $1 raised pic.twitter.com/1F5VpwkuLC
„კლივლენდს“ 21 ქულით კოლინ სექსტონმა ულიდერა. ტრისტან ტომპსონმა 19 ქულა და 13 მოხსნა დააგროვა. კევინ ლავი 17 ქულასა და 9 მოხსნას დასჯერდა, ხოლო ლერი ნენს ჯუნიორმა 15 ქულა მიითვალა.
.@RealTristan13's 6th double-double helped the @cavs fight their way back!
— FOX Sports Cleveland (@FOXSportsCLE) November 6, 2019
No quit. #BeTheFight pic.twitter.com/2OctqzQA5N
სხვა მატჩების შედეგები
შარლოტი - ინდიანა 122 - 120
ატლანტა - სან ანტონიო 108 - 100
ოკლაჰომა - ორლანდო 102 - 94
დენვერი - მაიამი 109 - 89