ბაზელის ტურნირი: ფედერერი ფინალშია! როჯერი 103 ტიტულს უახლოვდება
38 წლის ლეგენდარული როჯერ ფედერერი ბაზელის ტურნირის ფინალში გავიდა.
„მხიარულმა როჯერმა“ ნახევარფინალში მსოფლიოს მე-7 ჩოგანი ბერძენი სტეფანოს ციციპასი 2 სეტში 6:4, 6:4 დაამარცხა.
მატჩი 1 საათსა და 20 წუთს გაგრძელდა და ფედერერის სრული უპირატესობით წარიმართა. როჯერმა თითო ბრეიკი შეასრულა და უპირატესობა ხელიდან არ გაუშვია.
A beauty from @rogerfederer ????
— ATP Tour (@atptour) October 26, 2019
You can watch the #SwissIndoorsBasel on @TennisTV ???? pic.twitter.com/DTsDcoj5jm
მას ეს ტურნირი 9-ჯერ აქვს მოგებული და წელს გამარჯვებით შეუძლია, პირადი რეკორდი გაიმეოროს და ჰალეს ტურნირის მსგავსად, მშობლიურ ბაზელშიც მე-10 ტიტული დაისაკუთროს.
ფინალში, რომელიც კვირას გაიმართება ფედერერი ალექს დე მინოს დაუპირისპირდება, რომელიც ამ მომენტისთვის 28-ე ჩოგანია.
ფედერერი კარიერაში რიგით 103-ე ტიტულს უმიზნებს და ჯიმი კონორსის რეკორდის დამხობას ცდილობს. ამერიკელი ლეგენდის აქტივში 109 მოგებული ტურნირია.
Roger's 50th win of the season! @rogerfederer moves past @StefTsitsipas 6-4 6-4 to reach the #SwissIndoorsBasel final ????
— ATP Tour (@atptour) October 26, 2019
????: @TennisTV pic.twitter.com/I9Y4RdkyDc