ბოლქვაძე:''დიდი მადლობა ქომაგობისთვის, ჩინეთში სამ ტურნირზე ვითამაშებ''
WTA-ს 159-ე ჩოგანი მარიამ ბოლქვაძე ჩინეთში სამ ტურნირზე იასპარეზებს. ამ თემაზე ქართველმა სპორტსმენმა Instagram-ზე ატვირთულ ვიდეოში განაცხადა. 21 წლის ქართველმა ჩოგბურთელმა სოციალურ ქსელში ქომაგებს გულშემატკივრობისთვის მადლობა გადაუხადა და უახლოესი გეგმების შესახებ ისაუბრა.
მარიამ ბოლქვაძე:''გამარჯობა, ყველას დიდი მადლობა გულშემატკივრობისთვის. ბევრმა მკითხა თუ რომელ ტურნირზე ვაპირებდი გამოსვლას. ჩამოვედი ჩინეთში და ვაპირებ სამი ITF-ის ტურნირი ვითამაშო. იმედი მაქვს ჩემი ჩინეთის ტური კარგად ჩაივლის. კიდევ ერთხელ დიდი მადლობა გულშემატკივრობისთვის.''