დაბრუნება 8 წლის შემდეგ! - კლაისტერსი ისევ WTA-ში
მსოფლიოს ყოფილი პირველი ჩოგანი, კიმ კლაისტერსი, 8-წლიანი პაუზის შემდეგ პროფესიონალურ ჩოგბურთში ბრუნდება. აღნიშნულ ინფორმაციას WTA-ს ოფიციალური საიტი ავრცელებს.
კლაისტერსი ამჟამად 36 წლისაა და ჩოგბურთში მეორედ ბრუნდება, მან კარიერა 2007 წელს ფეხმძიმობის გამო შეწყვიტა, ბავშვის გაჩენის შემდეგ კი 2009 წელს თამაში განაახლა და 2010-2011 წლებში დიდი სლემის ორი ტიტული მოიგო, თუმცა 2012 წელს ჩოგბურთიდან კიდევ ერთხელ წავიდა.
დღეს, "ტვიტერზე" გამოქვეყნებული პოსტით კიმი დაბრუნების შესახებ კიდევ ერთხელ აცხადებს და აღნიშნავს, რომ 3 შვილის დედობის მიუხედავად, ჩოგბურთის პროფესიონალურ დონეზე თამაში კვლავ სურს და ამ ორი საპასუხისმგებლო და რთული მისიის შესრულებას 2020 წლის სეზონიდან ერთდროულად ეცდება.
Hi guys, I’m excited to finally be able to share this news with you… #wta #2020 pic.twitter.com/tm7jYMEwrH
— Kim Clijsters (@Clijsterskim) September 12, 2019
კლაისტერსს WTA-ს ეგიდით 41 ტიტული აქვს მოპოვებული, მათგან 4 დიდი სლემის ტურნირია - ავსტრალიის ღია პირველობა და 3-ჯერ ამერიკის ღია პირველობა მოიგო. ბელგიელი 2017 წლიდან ჩოგბურთის დიდების დარბაზის წევრია.