Aa Aa
5 სექტემბერი 2019  |  10:08

კლინსმანმა "შტუტგარტის" აღმასრულებელი დირექტორის პოსტზე უარი თქვა

იურგენ კლინსმანმა „შტუტგარტის“ აღმასრულებელი დირექტორის პოსტის დაკავებაზე უარი განაცხადა. აღნიშნულ საკითხზე მოლაპარაკებები დაახლოებით 1 თვის განმავლობაში მიმდინარეობდა, თუმცა, როგორც გუშინ თავად 55 წლის გერმანელმა თქვა, შეთანხმება არ შედგა.

„კლუბის პრეზიდენტს ელექტრონული ფოსტის საშუალებით ვამცნე, რომ ამ ეტაპზე აღნიშნული თანამდებობის დაკავება არ შემიძლია. გამართული მოლაპარაკებები არ იყო საკმარისად ეფექტური, რომ დადებითი შედეგი მოეტანა.

ბუნებრივია, როგორც ყოველთვის, „შტუტგარტს“ წარმატებას ვუსურვებ და, იმედი მაქვს, გუნდი უმაღლეს დივიზიონში მალე დაბრუნდება“. - წერია კლინსმანის სპეციალურ განცხადებაში.

კლინსმანი 3 წლის განმავლობაში „შტუტგარტის“ აკადემიაში ირიცხებოდა, 1984-1989 წლებში კი უკვე „შვაბების“ ძირითად გუნდში თამაშობდა.

გერმანელი ლეგენდა 2016 წლიდან მოყოლებული უმუშევარია. მისი თქმით, გასულ წელს რამდენიმე შეთავაზება ჰქონდა, განსაკუთრებით კი მსოფლიო ჩემპიონატის გარშემო, თუმცა იგი სერიოზულ და სოლიდურ წინადადებას ელოდება.

გაზიარება:

მსგავსი სიახლეები