ლოჩოშვილმა 90 წუთი ითამაშა | კიოლნმა ვერდერთან ქულები გაიყო

გერმანიის ბუნდესლიგის მე-3 ტურში „კიოლნისა’’ და ბრემენის „ვერდერის’’ მატჩი ფრედ 1:1 დასრულდა.

მასპინძელთა სასტარტო შემადგენლობაში ლუკა ლოჩოშვილმა 90 წუთი ითამაშა. ლუკამ 58-დან 53 პასი ზუსტად შეასრულა. მეტოქის ნახევარზე 19-დან 15 პასი ზუსტი იყო, საკუთარ ნახევარზე 39-დან - 38. ბურთთან 69 შეხება ჰქონდა, მათგან მხოლოდ 3 წარუმატებელი იყო. ბურთი 8-ჯერ დაკარგა. გაშვებული გოლი მის შეცდომას არ მოჰყოლია.

მის წინააღმდეგ ერთხელ დაჯარიმდნენ.

ბურთის ტარების საერთო მანძილი : 222.9 მ

ბურთის ტარება და ბურთთან ერთად გადაადგილება: 25-ჯერ

ბურთთან ერთად წინსვლა მეტოქის კარისკენ:  9.9 მ

ბუნდესლიგის პირველ ტურში „კიოლნმა’’ შინ „ჰოფენჰაიმს’’ 3:2 მოუგო, მეორე ტურში სტუმრად „შტუტგარტისგან’’ 4 გოლი გაუშვა (4:1). სამი ტურის შემდეგ „კიოლნმა’’ 4 ქულა დააგროვა, 5 გოლი გაიტანა და 7 გაუშვა.

პირველი ტურის შემდეგ „კიოლნის'' მთავარმა მწვრთნელმა რენე ვაგნერმა, რომელიც ლოჩოშვილს დიდ ნდობას უცხადებს, ქართველზე ისაუბრა.

Kicker-ის ჟურნალისტი ჯიმ დეკერი: „რენე, ლუკა ლოჩოშვილთან დაკავშირებით ისეთი შეგრძნება მაქვს, რომ მოედანზე ნამდვილი ლიდერი ყალიბდება. შენც იგივე შთაბეჭდილება გაქვს?''

რენე ვაგნერი: „დიახ, მე მგონი, ასეთი შეგრძნება უკვე ექვსი კვირაა გვაქვს. საბოლოოდ, ლოჩო პირველივე დღიდან არის ფეხბურთელი, რომელიც გასახდელში ხმას იღებს და საკუთარ აზრს გამოხატავს, ვარჯიშებზეც ბევრს საუბრობს.