პსჟ-მ ნავასის ტრანსფერი დაადასტურა
კოსტა რიკელი მეკარე კეილორ ნავასი კარიერას საფრანგეთის ჩემპიონ "პარი სენ ჟერმენის" რიგებში გააგრძელებს. პარიზელებმა ნავასის ტრანსფერი ოფიციალურად დაადასტურეს და ფეხბურთელთან 4-წლიანი კონტრაქტი გააფორმეს.
ნავასი მადრიდელ თანაგუნდელებს დღეს დაემშვიდობა, რის შემდეგაც საფრანგეთის დედაქალაქში ჩავიდა და გარიგების დასკვნითი დეტალები მოაგვარა. პსჟ-ს ოფიციალური საიტის მიხედვით, ნავასი "პარკ დე პრენსზე" 2023 წლის 30 ივნისამდე უნდა დარჩეს.
???????? #WelcomeKeylor
— Paris Saint-Germain (@PSG_English) September 2, 2019
Relive the first day of our new Parisian @NavasKeylor ????????, who was well received at the Molitor Hôtel! ????
???????? #ICICESTPARIS pic.twitter.com/X5iOm4Mhxg
სატრანსფერო თანხა ოფიციალურად არ სახელდება, თუმცა როგორც მადრიდული AS-ი წერს, პარიზელებს გამოცდილი კარის დარაჯის გადაბირება დაახლოებით 15 მილიონი ევრო დაუჯდათ.
შეგახსენებთ, რომ პსჟ-ს გოლკიპერი ალფონს არეოლა "რეალში" 1-წლიანი იჯარით გადავიდა. იგი ტიბო კურტუას კონკურენციას გაუწევს და ძირითადში მოხვედრას ეცდება.