Aa Aa
19 ივლისი 2019  |  15:30

"ნაპოლი" პეპეს ტრანსფერზე გადაერთო

ხამეს როდრიგესის სატრანსფერო მოლაპარაკებების ჩიხში შესვლის შემდეგ „ნაპოლიმ“ ფრანგულ „ლილთან“ ნიკოლას პეპეს გადაბირების თაობაზე საუბარი წამოიწყო.

ჯანლუკა დი მარციოს ცნობით, ნეაპოლიტანელები წინადადებას ამზადებენ და „ლილისთვის“ თანხასთან ერთად ადამ უნას შეთავაზებას გეგმავენ. ფრანგები უნას დამატებაზე თანხმობას აცხადებენ და მასთან ერთად 60-65 მილიონი ევროს მიღება სურთ.

პეპე 80 მილიონ ევროდ ფასდება და მსურველები არ აკლია, ამიტომ ამ მოლაპარაკებებში უპირატესობა, რა თქმა უნდა, „ლილის“ მხარესაა.

24 წლის შემტევით სხვა კლუბებთან ერთად „ლივერპული“ და „არსენალიც“ ინტერესდებიან. პეპემ გასულ სეზონში საკლუბო დონეზე 41 მატჩი ჩაატარა, რომელთა ჯამშიც 23 გოლი და 12 ასისტი მიითვალა.

გაზიარება:

მსგავსი სიახლეები