პიმბლეტი: გეიჯისთან წაგების შემდეგ არც კი მიტირია

მიუხედავად UFC-ის დროებითი ტიტულისთვის ჯასტინ გეიჯის წინააღმდეგ გამართულ ბრძოლაში წარუმატებლობისა, ამერიკელთან მარცხი პედი პიმბლეტისთვის მის პროფესიულ კარიერაში ყველაზე ნაკლებად მტკივნეული აღმოჩნდა.

„იცით, რა არის ყველაზე გასაოცარი? ამ მარცხმა ჩემზე ბევრად ნაკლებად იმოქმედა, ვიდრე წინა წაგებებმა. როდესაც 18, 22 და 23 წლის ასაკში ვაგებდი, ეს ჩემს ფსიქოლოგიურ მდგომარეობაზე საშინლად აისახებოდა. ამ მარცხის შემდეგ კი არც მიტირია.

ყოველი წინა მარცხის შემდეგ ჩემს ოთახში ვიჯექი და ზედიზედ რამდენიმე დღე ვტიროდი. მაგრამ ამჯერად საერთოდ არ მიტირია. უბრალოდ ვხვდებოდი, რომ ეს ჩემი განვითარების ნაწილი იყო. ვიცოდი, რომ ეს გამოცდილება მჭირდებოდა, რათა უკეთესი გავმხდარიყავი, და ზუსტად ასეც მოვიქეცი“,

- განაცხადა ბრიტანელმა მსუბუქწონოსანმა All Out Fighting-ის არხთან ინტერვიუში.

ამჟამად პედი პიმბლეტს მომდევნო ბრძოლა ჩანიშნული არ აქვს, თუმცა იმედოვნებს, რომ სწორედ ის იქნება შემდეგი, ვინც დივიზიონის ყოფილ ჩემპიონ ილია თოფურიასთან ოქტაგონს გაიყოფს.