პარასპორტსმენების 9 მედალი - უსინათლო ძალოსანთა ევროპის ჩემპიონატი

თურქეთის ქალაქ მერსინში გამართული უსინათლო ძალოსანთა ევროპის ჩემპიონატი საქართველოს დელეგაციისთვის წარმატებული გამოდგა. ჩვენი ქვეყნის წარმომადგენლებმა წოლჭიმსა და სამჭიდში საერთო ჯამში 9 მედალი მოიპოვეს, საიდანაც 2 ოქროს, 4 ვერცხლის, 3 კი ბრინჯაოსი იყო.

საუკეთესო შედეგი მირიან ოგნაძემ (+125 კგ) აჩვენა, რომელმაც წოლჭიმში -185, ხოლო სამი მისვლის ჯამში 625 კილოგრამი დაძლია და ორივე დისციპლინაში ოქროს მედლის მფლობელი გახდა. გიორგი მაისურაძე როგორც წოლჭიმში (155 კგ), ასევე სამჭიდის ჯამში (535 კგ) ვიცე-ჩემპიონობას დასჯერდა, ხოლო 75 კილოგრამამდე წონით კატეგორიაში გიორგი ბასილაშვილმაც მის მსგავსად ორი ვერცხლის მედალი მოიპოვა და წოლჭიმში - 87, სამჭიდში კი 447 კილოგრამი დაძლია.

რაც შეეხება კიდევ სამ ბრინჯაოს მედალს, გიორგი გიგაურმა (-56 კგ) საპრიზო მესამე ადგილი წოლჭიმსა (68 კგ) და სამი მისვლის ჯამში (308 კგ) ნაჩვენები, ხოლო ზაზა მარტიაშვილმა მხოლოდ წოლჭიმში დაფიქსირებული შედეგით დაიკავა.