„საჩემპიონო ბრძოლაზე მეტად, მერაბთან რევანში მინდა“ - უმარ ნურმაგომედოვი

UFC-ის მებრძოლმა, უმარ ნურმაგომედოვმა განაცხადა, რომ მერაბ დვალიშვილთან რევანში უფრო მეტად სურს, ვიდრე სატიტულო ბრძოლა.

რას ამბობს უმარი:

„რამდენად მაინტერესებს გრეპლინგისა და ჭიდაობის ტურნირები? გულწრფელად რომ გითხრათ, ერთადერთი, რაც სპორტისგან მინდა — რევანშია. საჩემპიონო ქამარზე მეტადაც კი. რომ მკითხონ: „ბრძოლა ქამრისთვის თუ რევანში?“ — მე რევანშს ავირჩევდი. ჩემთვისაც საინტერესოა, როგორ ვიჩხუბებდი ტრავმის გარეშე. ეს დაუხურავი საკითხია. ავიღოთ პიოტრის ბრძოლები მერაბთან — ყველა ამბობდა, ვითომ ეს მხოლოდ თავის მართლება იყო.

მაგრამ რევანშში იანმა აჩვენა, რომ არანაირი გამართლება არ ყოფილა. როცა ის ურტყამს, ის ურტყამს. პიოტრი სხვანაირად ჩხუბობს, როცა ჯანმრთელადაა. მეც მინდა ვიცოდე, რისი უნარი მაქვს. პირველი ბრძოლა ისეთი იყო... ხელის მოტეხილობა მქონდა, უკვე მოდუნებული ვიყავი, დიდად არ ვვარჯიშობდი. დამირეკეს და მითხრეს: „აი შანსი, საჭიროა...“ მესმის, რომ სისულელე ჩავიდინე. უნდა მეთქვა: „წინასწარ მითხარით და არა თვენახევრით ადრე“.

შეგახსენებთ, რომ მერაბ დვალიშვილმა და უმარ ნურმაგომედოვმა ერთმანეთის წინააღმდეგ 2025 წლის იანვარში იჩხუბეს და მერაბმა 5-რაუნდიან დაპირისპირებაში მსაჯების ერთსულოვანი გადაწყვეტილებით გაიმარჯვა.