„უნდა უთხრან, რომ თასს მისთვის მოიგებენ“ - ფერდინანდმა რონალდუზე ისაუბრა

„მანჩესტერ იუნაიტედის“ ყოფილმა მცველმა რიო ფერდინანდმა 2026 წლის მსოფლიო ჩემპიონატზე კონგოს დემოკრატიულ რესპუბლიკასთან გამართული მატჩის შემდეგ, პორტუგალიის ნაკრების ფორვარდის, კრიშტიანუ რონალდუს გარშემო შექმნილ სიტუაციაზე საკუთარი აზრი გამოთქვა.

„რობერტო მარტინესს რონალდუს სასტარტო შემადგენლობაში დაყენების გადაწყვეტილება ძვირად დაუჯდა. ვფიქრობ, საკვანძო მომენტი იქნება ის, თუ როგორ გაუმკლავდება იგი ამას.

თუ კრიშტიანუს შემადგენლობიდან ამოგდებას შეეცდება, მაშინ ყველაფერი გარკვეული ატმოსფეროს შექმნაზე იქნება დამოკიდებული.

მთავარია, მიხვიდე მასთან და უთხრა, რომ გუნდს აქვს შანსი, მისთვის მოიგოს. ის მოედანზე მატჩის დასრულებამდე 30 წუთით ადრე უნდა გამოვიდეს, როდესაც მეტოქე დაღლილია, როდესაც ყველას ფეხები ეღლება, როდესაც მოთამაშეების კუნთებში რძემჟავა გროვდება.

მეტოქეები ხედავენ, თუ როგორ ხურდება კრიშტიანუ ფლანგზე, შემდეგ ის გამოდის მოედანზე, ქანცს აცლის მათ და ამას თამაშის მიწურულს სათავისოდ იყენებს.

ფიქრობთ, ვინმეს ენაღვლება ეს, როდესაც ის კაპიტნის რანგში თასს აღმართავს? არა.

ზოგ თამაშში ის სასტარტო შემადგენლობაში იქნება, ზოგში კი – არა. მაგრამ ეს გეგმის ნაწილია. 41 წლის ასაკში, დარწმუნებული ვარ, კრიშტიანუს ესმის ეს, რადგან როცა ასაკში შევდივართ, საქმეები ისე მარტივად აღარ მიდის, როგორც ადრე.

თუმცა, ამ ბიჭის პოტენციალის უარყოფა შეუძლებელია. როდესაც ბურთი საჯარიმოში ხვდება და მსოფლიოს სამ საუკეთესო მოთამაშეს ირჩევ, კრიშტიანუ ერთ-ერთი იმათგანი იქნებოდა, ვისაც სასტარტოში ადგილს ანდობდით ახლაც კი, რადგან მას თითქმის ათასი გოლი აქვს გატანილი.

ეს ჩემზე რომ იყოს დამოკიდებული, ვფიქრობ, იმ მიდგომას ავირჩევდი, რაზეც ახლახან ვისაუბრე. მას მოედანზე შევიყვანდი და თამაშიდან შევცვლიდი კონკრეტული მეტოქიდან გამომდინარე“, - განაცხადა რიო ფერდინანდმა.