ჩიმაევმა წონა 17 წუთით ადრე ჩააბარა | UFC 328-ის აწონვის ცერემონია
UFC-ის მომდევნო ღონისძიება ნიუარკში გაიმართება და ჩხუბებს თბილისის დროით, 10 მაისს, კვირას ვიხილავთ. UFC 328-ის მთავარი მოვლენა საშუალო წონითი დივიზიონის ორთაბრძოლაა, რომელშიც ერთმანეთს ხამზატ ჩიმაევი და შონ სტრიკლენდი დაუპირისპირდებიან.
პარასკევს, აწონვის ცერემონია გაიმართა. სტრიკლენდმა წონა ერთ-ერთმა პირველმა ჩააბარა და 83.9 კგ (185 ფუნტი) დააფიქსირა.
Never fazed ????@SStricklandMMA is first to the scale & weighs in at 185lbs!
— UFC (@ufc) May 8, 2026
[ #UFC328 | May 9 | LIVE on @ParamountPlus ] pic.twitter.com/3XJAaiAt0h
ჩიმაევს წონის ჩაბარება ძალიან გაუჭირდა. ხამზატი ასაწონად ბოლოს, აწონვის ცერემონიის დასრულებამდე 17 წუთით ადრე გავიდა და ეტყობოდა კიდეც, რომ წონის კლებას მარტივად არ ჩაუვლია. საბოლოოდ, „ბორზმა“ იგივე წონა, 83.9 კილოგრამი დააფიქსირა.
Borz is ready to retain ????@KChimaev weighs in at 185lbs to make the main event OFFICIAL!
— UFC (@ufc) May 8, 2026
[ #UFC328 | May 9 | LIVE on @ParamountPlus ] pic.twitter.com/1668kSfY2l
UFC 328-ის თანამთავარი მოვლენა ჯოშუა ვენისა და ტაცურო ტაირას საჩემპიონო ორთაბრძოლაა. ორივე მათგანი 56.6 კილოგრამს (125 ფუნტი) იწონის. მეინ ქარდის ერთადერთი მებრძოლი, რომელმაც წონა ვერ ჩააბარა, ჯერემი სტივენსია — 72.5 კილოგრამს იწონიდა, ლიმიტი 70.7-ია.
