ისტორიაში პირველად | მეტელკინა-ბერულავას წყვილის ვერცხლი მსოფლიო ჩემპიონატზე
ჩეხეთის დედაქალაქ პრაღაში მიმდინარე ფიგურული ციგურაობის მსოფლიო ჩემპიონატზე, საქართველოს ნაკრების წევრებმა, ანასტასია მეტელკინამ და ლუკა ბერულავამ სპორტულ წყვილებში თავისუფალი პროგრამა წარადგინეს.
მოკლე პროგრამის შემდეგ მეტელკინა და ბერულავა მეორე ადგილს იკავებდნენ. მათ თავისუფალი პროგრამა უმაღლეს დონეზე შეასრულეს და მსაჯებისგან 138.96 ქულა დაიმსახურეს. ორი პროგრამის ჯამში მათ 218.41 ქულა დააგროვეს და მსოფლიო ჩემპიონატზე ვერცხლის მედლები ისტორიაში პირველად დაისაკუთრეს.
მსოფლიო ჩემპიონი მინერვა ფაბიენ ჰას-ნიკიტა ვოლოდინის წყვილი გახდა. მათ ორი პროგრამის ჯამში 228.33 ქულა მიიღეს.
